Қазақстан қор биржасында (KASE) 15:30-да доллардың орташа сараланған бағамы 0,39 теңгеге төмендеп, 477,67 теңге болды, деп хабарлады Kazbusiness.kz ведомство сайтына сілтеме жасап.
Қытай юанінің орташа сараланған бағамы 70,96 теңгеге (+0,11) дейін көтерілді.
Ресей рублі мен еуро бойынша сауда-саттық болған жоқ.
Ақша айырбастау орындарында доллар 475-479 теңге, еуро 492-498 теңге, ресей рублі 7,3-7,7 теңге аралығында саудаланып жатыр.
Ал 11 тамыздағы сауда-саттық барысында әлемдік мұнай бағасы төмендеп жатыр.
Мәселен, Лондондағы ICE Futures биржасында Brent маркалы мұнайдың қазан айындағы фьючерстерінің құны 0,38%-ға арзандап, барреліне 97,03 доллар болды.
Нью-Йорк тауар биржасында (NYMEX) электрондық саудада қыркүйек айындағы WTI фьючерстерінің бағасы 0,39%-ға арзандап, барреліне 91,57 доллар болды.
