Экс-генерал Серік Күдебаевтың елден қалай қашып кеткені белгілі болды. Бұл туралы ҚР жоғары сотының баспасөз қызметі мәлімдеді, деп хабарлайды kazbusiness.kz ақпарат агенттігі.
Бүгін Серік Күдебаевқа тергеу ісі кезінде елден қашып кеткені үшін 6 ай қамауда ұстау жазасы тағайындалды. Оның ел шекарасынан қалай өткені туралы ақпаратты ҚР жоғары сот баспасөз қызметі мәлімдеді.
“Айыпкер К. 2023 жылдың 15 наурызы күні қылмыстық жоспарға сәйкес Кеген ауданында болған. Сол кезде шекарадан еркін өтуге кедергі келтіретін тікенді сымнан жасалған спиральды қауіпсіздік тосқауылының төменгі деңгейін көтеру арқылы өткізу пунктінен шыққан. Осылайша ол Қазақстан-Қырғызстан шекарасын қасақана заңсыз кесіп өтті. Осылайша, айыпкер К. “Манас” әуежайы арқылы Түркияға ұшып, жауапкершіліктен қашып кетті”, – делінген ведомство хабарламасында.
Еске салсақ, Алматы облысы Кеген аудандық сотында Күдебаевтың елден қашу ісі қаралды. Сот шешімі бойынша, Серік Күдебаев 392-бап “Қазақстан Республикасының мемлекеттік шекарасын қасақана заңсыз кесіп өту” бойынша кінәлі деп танылды.
Оған алты айға бас бостандығынан айыру жазасы тағайындалды. Жаза жиынтығы бойынша және ішінара қосу арқылы генерал жалпы мерзімі – 10 жыл 3 айға бас бостандығынан айырылды.
