Еуропалық қайта құру және даму банкінің мәліметінше, Қазақстандағы әйелдердің жалақысы ерлерге қарағанда үштен бір есеге аз болып шықты, деп хабарлайды Kazbusiness.kz КазТаг ақпараттық порталына сілтеме жасап.
“Әйелдердің жалақысы ерлердің жалақысының шамамен 67,8%-ын құрайды. Бұл көрсеткіштер елдің батысында көбірек байқалады”,- делінген Еуропалық қайта құру және даму банкінің Қазақстанға арналған 2022-2027 жылдарға арналған жаңа ел стратегиясында.
Құжатқа сәйкес, Қазақстандағы жұмыссыз әйелдердің үлесі ерлерге қарағанда 1,5 есе көп. Яғни зерттеу нәтижесіне сәйкес, Қазақстанда әйелдердің жалақысы ерлердікіне қарағанда 33%-ға аз.
“Халықтың көп бөлігі әйелдерге және гендерлік рөлдерге қатысты дәстүрлі теріс пікірді ұстанады”, – делінген құжатта.
