Қонаевта балаларды қорғау күніне орай Қазақстандағы ең ірі скейт паркі ашылды. Скейт паркінің жалпы ауданы 9400 шаршы метр, ал алаңның өзі 2000 шаршы метрді құрайды. Бұл туралы Алматы облысы әкімінің баспасөз қызметі хабарлады, деп жазады kazbusiness.kz ақпарат агенттігі.
Саябақтың аумағы келушілердің мүдделеріне байланысты аймақтарға бірнеше аймаққа бөлінген. Нақтыласақ:
- скейт алаңынан басқа вело және жаяу жүргіншілер жолы,
- амфитеатр,
- сахна-подиум бар,
- демалуға және серуендеуге арналған аймақтар,
- спортпен шұғылдануға арналған алаңдар мен балалар ойын кешендері.
“Бұл жай ғана скейт тебуге арналған алаң емес, бұл әр түрлі жастағы тұрғындардың мүдделерін ескере отырып жасалған толыққанды кешен. Онда ойын алаңы, аға буын өкілдерінің серуендеуге және демалуға арналған орны, спорттық іс-шараларға арналған воркаут бар”, – дейді облыс әкімінің орынбасары Рустам Исатаев.
Өз кезегінде Қонаев қаласының әкімі Нұрлан Құматаев қаланың дамуы туралы сөз қозғады. Айтуынша, қалада көптеген жасөспірімдер спортпен шұғылданып қана қоймай, спортпен кәсіби түрде айналысқысы келеді.
“Қонаев жастары уақытын тиімді өткізу үшін Алматыға барса, енді бәрі бізге келеді деп ойлаймын. Сонымен қатар, біз Жеңіс саябағын қайта құрамыз. Бір сөзбен айтқанда, түбегейлі өзгерістер болады”, -деді шаһар басшысы.
Сонымен қатар, Қонаевта мереке күні 1,5 жастан 18 жасқа дейінгі мүмкіндігі шектеулі балаларды бейімдеу, түзету және оңалту үшін күндізгі болу орталығының ашылуы болды.
