Ұлттық статистика бюросының мәліметі бойынша, Қазақстанның 2022 жылы өндірілген жалпы ішкі өнімінің көлемі 103,7 трлн теңгені құрады. ЖІӨ өткен жылдың сәйкес кезеңімен салыстырғанда 3,2% – ға өсті, деп хабарлайды kazbusiness.kz.
Бұл ретте 2022 жылы ЖІӨ құрылымында ең көп үлесті Алматы қаласы – 18,5%, одан кейін Атырау облысы – 13,2%, үштікті 10,3%-бен Астана жабады. Жетісу облысының ЖІӨ-дегі ең аз үлесі – 1,4%.
Жан басына шаққандағы ЖІӨ 2022 жылы 5 284,7 мың теңгені құрады. Өңірлер бойынша жетекші орындарды Атырау облысы (19 974,1 мың теңге), Алматы қаласы (8 985,6 мың теңге) және Астана (8 053,9 мың теңге) алады.
Соңғы позицияларда Жамбыл облысы (2212,2 мың теңге), Жетісу (2042,1 мың теңге) және Түркістан облысы (1671,8 мың теңге) бар.
Статистика хабарлағандай, ЖӨӨ өсуінің жоғары қарқыны Ақмола облысында (7,7%), Шымкентте (6,8%) және Солтүстік Қазақстан облысында (5,6%) байқалады.
Сонымен қатар, 2022 жылғы ЖІӨ-дегі бақыланбайтын экономиканың үлес салмағы 18,78% -ды құрады және өткен жылмен салыстырғанда 0,97%-ға қысқарды.
“Жалпы өңірлік өнімдегі байқалмайтын экономиканың ең көп үлесі Түркістан (33,93%), Жетісу (32,00%) және Солтүстік Қазақстан облыстарында (24,07%), ең аз үлесі Маңғыстау (12,97%), Ұлытау (12,25%) және Атырау (11,19%) облыстарында байқалады”, – делінген хабарламада.
