Бір айдың ішінде банктің бас кеңсесі мен филиалдарының қызметкерлері қазақстандық қалалардың экологиясын жақсартуға үлес қосып, қоғамдық орындардағы қоқыстарды жинап, әлеуметтік нысандардың аумақтарына ағаш отырғызды. Нәтижесінде он тоннаға жуық қалдық жиналып, мыңға жуық көшет отырғызылды, деп хабарлайды kazbusiness.kz.
Акцияның мақсаты – БҰҰ-ның тұрақты даму қағидаттарын ілгерілетіп, жүзеге асыру.
“Қазір тұрақты даму үшін барлық институттар, соның ішінде бизнес те белсенді араласу керек. Банк стратегиясында ESG принциптері енгізілген және оны белсенді түрде жүзеге асырудамыз. Егер әр адам қоршаған ортаны жақсарту үшін аз да болса, үлес қосса, артымыздан ерген ұрпаққа гүлденген әлемді аманаттай аламыз. Біз соған ұмтылуымыз керек”, – деді Forte-нің қоғаммен байланыс жөніндегі директоры Еркін Үдербай.
Forte бас кеңсесінің командасы елорданың Сарыарқа ауданындағы балабақша аумағына қайың мен алма ағаштарының көшеттерін отырғызды.
Оралда балалар арналған орындарда түрлі жеміс ағаштарын отырғызылды. Оралдық филлиал өкілдері тәрбиеленушілерге тәттілер үлестіріп, түрлі ойындар мен жарыс ұйымдастырды.
Қызылорда филиалының қызметкерлері кең ауқымды қалалық сенбілік өткізді. Теміржол вокзалының алдындағы алаңда 350 көшет отырғызылды, банкирлер жолдың жиектерін, ағаш түптерін ақтады. Жаяу жүргіншілерге арналған жолдарды сыпырып, қоқыстарды жинады. Осындай іс-шаралар Қазақстанның барлық қалаларында өткізілді.
