Қызылорда облысының соты Нұрсұлтан Назарбаевтың бұрынғы келіні Гүлмира Сатыбалдыға қатысты үкім шығарды, деп хабарлайды kazbusiness.kz.
«Гүлмира Сатыбалды Қазақстан Республикасы Қылмыстық кодексінің 189-бабының 4-бөлігімен – (Басқаның сеніп тапсырылған мүлкін иемдену немесе иемдену) бойынша кінәлі деп танылсын. Гүлмира Сатыбалды мүлкі тәркіленбей, сегіз жылға бас бостандығынан айырылсын. Қамау түріндегі бұлтартпау шарасы өзгеріссіз қалдырылсын», – делінген соттың шешімінде.
Тергеу барысында анықталғандай, Сатыбалданың ықпалымен «Ария-Жаңа Астана» ЖШС 2018 жылдың күзінде Сырдария өзенінің сол жағалауына жылу желілерін тарту бойынша тендерді жеңіп алған.
Қылмыстық әрекеттерімен Гүлмира Сатыбалды кәсіпорын басшысымен бірлесіп, 441 миллион теңгені жымқырған.
«Барлығы 2018-2020 жылдар аралығында Гүлмира Сатыбалды Ғани Бекбосыновпен бірлесіп, 2 млрд 130 млн теңгеге аяқталды деген құрылыс-монтаж жұмыстары бойынша 14 акт қабылдады. Заңсыз әрекеттердің салдарынан мемлекетке 441 миллион теңге шығын келтірілген», – делінген тергеу мәліметінде.
Ғани Бекбосынов та кінәлі деп танылып, жеті жылға шартты түрде бас бостандығынан айырылды.
Еске салайық, 4 мамырда Гүлмира Сатыбалды 389-баптың 3 және 4-бөлігі мен 125-баптың 2-бөлігінің 1 және 8-тармақтары бойынша жеті жылға бас бостандығынан айырылған. Сондай-ақ Сатыбалды «Құрмет» орденінен айырылады. Сонымен қатар сот Гүлмира Сатыбалдыдан кәсіпкер Тұрсен Алагузовқа 6,5 миллиард теңгені өтеуге міндеттеді.
