Jusan Bank кәсіпкерлер арасында микроавтобус пен iPhone ойнатуда. Ұтысқа қатысу үшін төменде көрсетілген бір немесе бірнеше қарапайым банк операциясын орындау жеткілікті, деп хабарлайды kazbusines.kz сайты.
Науқан осы жылдың 14 қарашасы мен 2023 жылдың 8 қаңтарына дейін жалғасады. Осы уақыт аралығында бизнес-клиент JusanBusiness интернет банкинг жүйесін қолдана отырып, бір немесе бірнеше әрекетті орындауы қажет:
- ағымдағы шоттан теңгеде және/немесе шетел валютасында басқа клиенттің шотына аударым/төлем жасау;
- карталық шоттан (корпоративтік карта, жеке кәсіпкер картасын пайдалана отырып) басқа клиенттің карталық шотына аудару/төлем жасау;
- “Өз пакетіңізді жинаңыз” (қызмет үшін комиссия төлеу қажет) қызметіне қосылу;
- Jusan Tole MPOS/SmartPOS терминалы арқылы төлемді қабылдау (эквайринг үшін банкке комиссия төлеу қажет болады);
- онлайн несие алу.
Ұтыс онлайн операция жүргізген жаңа және бұрынғы клиенттер арасында ойнатылады.
Сегіз апта ішінде су жаңа 56 iPhone ойнатылып, жеңімпаздар әр күннің нәтижесі бойынша таңдалады. Iphone ұтысы әр екі апта сайын ұйымдастырылады, бұл 14 күнде 14 жеңімпаз iPhone 14 иесі атанады деген сөз.
Ал бас жүлде – Hyundai Staria бизнес-шаттлының ұтысы науқан аяқталған соң өткізіледі. Бір айта кетерлігі, смартфон ұтып алған жеңімпаз ұялы телефондардың келесі ұтыс ойындарына жіберілмейді. Алайда коммерциялық автокөлік ұтысының қатысушысы болып қала береді.
