Жетісулық кәсіпкерлер 5 миллион теңге көлеміндегі грантқа ие бола алады. Ол үшін қатысушы міндетті түрде экономиканың басым секторларындағы шағын кәсіпкерлік субъектілерінде, оның ішінде ісін жаңа бастаған кәсіпкер болып, өтеусіз грант иесі атана алады, деп хабарлайды Kazbusiness.kz сайты.
Бұл туралы Талдықорған қаласы «Тең қоғам» қолдау орталығында өткен кездесу барысында қайтарымсыз грант туралы «Жетісу облысының кәсіпкерлік және индустриалды-инновациялық даму басқармасы» ММ бас маманы Асхат Карибаев және, Тұрлыхан Ануаров қатысушыларға түсіндіріп өтіп, сауалдарына жауап берді.
2021 – 2025 жылдарға арналған кәсіпкерлікті дамыту жөніндегі ұлттық жобасы аясында қайтарымсыз мемлекеттік гранттың 20 %-дан аспайтын бөлінетін қаражаты халықтың әлеуметтiк осал топтарына жататын шағын кәсіпкерлік субъектілеріне бағытталып отырғанын да ерекше назарға алған жөн.
Кәсіпкерлер грантты ұтып алған жағдайда тауарлар шығаруға немесе қызметтер көрсетуге қажетті негізгі құралдарды (оның ішінде негізгі құралдарды салу/жаңғырту/реконструкциялау/ күрделі жөндеу), шикізат пен материалдарды, материалдық емес активтерді, технология, кешендi кәсiпкерлiк лицензияға (франчайзинг) құқықтарды сатып алуға пайдаланыла алады.
Сонымен қатар зерттеу жұмыстарымен және/немесе жаңа технологияларды енгізумен байланысты шығыстар.
Осы жайында толыққанды ақпарат беріп өткен басқарма мамандары, грант жайлы ресми түрде хабарлама шыққан уақытта qoldau.kz порталы арқылы тапсыра алатындығын жеткізді.
Орталықта «Даму» кәсіпкерлікті дамыту қоры» АҚ Алматы облыстық филиалының жобаларды қолдау менеджері Сания Шаяхметова 2021-2025 жылдарға арналған кәсіпкерлікті дамыту жөніндегі ұлттық жоба шеңберінде субсидиялау бойынша қаржылық қолдау шаралары жайлы атап өтіп, «Кәсіпкерлерді/индустриялық-инновациялық қызмет субъектілерін қолдау», «Микро және шағын кәсіпкерлікті қолдау» бағыттары туралы толыққанды мағлұмат берді.
Кездесу соңы мамандар тарапынан жеке кеңес беру жұмыстарымен жалғасып, жауаптарын алды.
