Шымкенттің архитектура басқармасы 70 заңсыз салынған өзіне-өзі қызмет көрсетілетін көлік жуу орталықтарын анықтады, деп хабарлайды kazbusiness.kz. Сот шешімі бойынша оның ішіндегі сегізі бұзуға жарамды, алтауынікі қарастырылып жатыр.
Сонымен қатар, құрылыстары заңсыз деп танылған кәсіпкерлер керісінше дәлелдеуге тырысып жатыр. Сәкен Әбішовтың автокөлік жуу орны сот қаулысы бойынша бұзуға жататын объектілердің қатарына енді. Кәсіпкер оны салу үшін жер учаскесін жеті жыл бұрын сатып алған. Төрт жыл бойы ол рұқсат құжаттарын алуға тырысты. Әкімдікке, мемлекеттік сәулет-құрылыс бақылау басқармасына, сәулет басқармасына жүгінді.
