Қаржы министрлігінің мемлекеттік кірістер комитеті «Экспорттық-импорттық операциялар бойынша «Бірыңғай терезе» ақпараттық жүйесінде кедендік өкілдердің тізіліміне енгізу рәсімдерін автоматтандыру жұмыстарын аяқтады, деп жазды Kazbusiness сайты ведомствоның баспасөз қызметіне сілтеме жасап.
Айта кетейік, 2022 жылғы 15 тамыздан бастап «Экспорттық-импорттық операциялар бойынша бірыңғай терезе» ақпараттық жүйесінде «Кеден өкілдерінің тізіліміне енгізу» мемлекеттік қызметі көрсетудің электрондық нысанына көшу басталады.
«Өтінішті толтыру тәртібі, сондай-ақ ақпараттық жүйеде дербес тіркелу бойынша нұсқаулықтар («Онлайн оқыту» бөлімі) http://eokno.gov.kz порталының негізгі бетінде орналасқан. өтінішті қарау мәртебесі және хбарламаларды жіберу үшін дербес тіркелу кезінде қолданыстағы ұялы телефон нөмірі мен электрондық пошта мекенжайын көрсету қажеттігіне назар аударамыз», – делінген хабарламада.
Сондай-ақ ведомство мәліметінше, пайдаланушыларды қолдану қызметі e-okno@kgd.minfin.gov.kz. сайтында көрсетілген. Одан бөлек өтініш нысанын толтырумен байланысты сұрақтар бойынша ҚР ҚМ ммемлекеттік кірістер комитеті қызметкері О. Тұрлыбековке байланыс деректері 8 (7172) 71-82-82, o.turlybekov@kgd.gov.kz. немесе телеграм чаты t.me/eoknokz арқылы хабарласуға болады.
