Күні кеше желіде Серік Күдебаев шетелге қашып кетті деген ақпарат тарады. Алайда оның адвокаты ештеңе білмейді, деп хабарлайды kazbusiness.kz.
“Өкінішке қарай, біз бұл ақпаратты растай да, жоққа да шығара алмаймыз. Бізде ешқандай ақпарат жоқ”, – деді сотталушы адвокаттарының бірі Руслан Баймақов.
28 ақпанда прокурор Күдебаевты 9 жылға соттауды және полиция генерал-майоры атағынан айыруды сұрады. Осыдан кейін отырыс 5 рет кейінге қалдырылды. Сотталушының денсаулығы сыр берді деп хабарланды.
3 сәуірге жоспарланған отырысқа оны мәжбүрлеп әкелуге тиіс еді.
Әзірге Күдебаев қашып кетті деген әңгімеге қатысты ресми органдар ақпарат берген жоқ.
Алматы облысының бұрынғы бас полицейі Серік Күдебавқа қаңтардағы тәртіпсіздіктер кезінде лауазымдық өкілеттігін асыра пайдаланды және азаптады деген айып тағылған болатын.
