3 шілдеде сағат 18:23-те “МАЭК” ЖШС жылу электр станциясында жүктемесі 130 МВт болатын № 1 энергия блогы апатты жағдайда ажыратылды, деп хабарлайды kazbusiness.kz.
Батыс энергия торабында генерацияның күрт істен шығуына байланысты электр желісінің жиілігі 48,6 Гц-ке дейін төмендеді. Осыған байланысты Маңғыстау және Атырау энергия тораптары оқшауланған жұмысқа бөлінді. Сол себепті Атырау ЖЭО, Karabatan Utility Solutions бу-газ қондырғысы, Қаламқас және ТШО газ станциялары оқшауланған жұмысқа бөлінді.
Өнеркәсіптік кәсіпорындарға және елді мекендердің бір бөлігіне шектеулер енгізілді.
Сағат 19: 22-де Атырау энергия торабы Батыс энергия торабымен үндестірілген, шектеулер алынып тасталады.
