Маңғыстау облысының жартысына жуығын тауық етімен қамтамасыз етіп отырған “Ақтау Агро” ірі құс фабрикасы жабылу үстінде тұр. Бұл туралы ҚР Парламенті Мәжілісінің депутаты Айдарбек Қожаназаров зауытқа барғаннан кейін мәлімдеді, деп хабарлайды kazbusiness.kz.
“Ақтау Агро” ЖШС инвестициялық жобасы Маңғыстау облысындағы ет бағытындағы ең ауқымды және бірегей өндіріс болуы тиіс еді, оның қуаттылығы жылына 5 мың тоннаға жуық тауық етті құрайды. Бұл өңірдің импортқа тәуелділігін екі есеге қысқартуы тиіс еді. Алайда қазір кәсіпорын жабылу үстінде тұр”, – деді А.Қожаназаров.
Оның айтуынша, бүгінгі таңда кәсіпорын басшысы өндірісті қолдау үшін өнімді сату мен айналым қаражатын алуда күрделі проблемаларға ұрынып отыр.
Депутат бұл мәселені жеке бақылауға алғанын атап өтті.
“Ақтау Агро” бройлерлік тауық өндіретін құс фабрикасы 2021 жылдың көктемінде жұмыс істей бастады. 2021 жылдың маусым айында дүкен сөрелерінде “Каспий құс” брендімен өнімдердің бірінші партиясы пайда болды. Кәсіпорын бүкіл аймақтың тауық етіне деген қажеттілігінің жартысын жабады деп жоспарланған.
Маңғыстау облысы жылына орта есеппен 11,5 мың тонна тауық етін тұтынады, бұл ретте құс фабрикасы ашылғанға дейін осы өнім бойынша толығымен импортқа тәуелді болды.
“Ақтау Агро” кешені 3 алаңнан тұрады: инкубатор, 30 мыңнан астам басқа арналған 16 құс үйі, қуаттылығы сағатына 2 мың бас сою цехы.
