Мемлекет 4,5 мыңға жуық студент үшін жатақхана ақысын субсидиялауды жоспарлап отыр, деп хабарлайды kazbusiness.kz.
Ашық НҚА порталында әлеуметтік көмекке мұқтаж студенттердің жатақханада тұру шығыстарын өтеу туралы қаулы жобасы жарияланды. Үкімет мына санаттағы азаматтардың колледжде және ЖОО-да оқу кезеңінде жатақханаларда тұрғаны үшін жылына 29 айлық есептік көрсеткіштен (2023 жылы – 100 050 теңге) аспайтын шығыстарын өтейді:
- жетім балаларды және ата-аналарының қамқорлығынсыз қалған балаларды, сондай-ақ кәмелеттік жасқа толғанға дейін ата-анасын жоғалтқан немесе ата-анасының қамқорлығынсыз қалған жастар қатарындағы азаматтар;
- мүгедектігі бар адамдар, бала кезінен мүгедектігі бар адамдар, мүгедектігі бар балалар;
Қазіргі уақытта қазақстандық жоғары оқу орындарында халықтың әлеуметтік осал топтарына жататын 168 150 студент оқиды:
- бала кезінен мүгедек балаларды тәрбиелеп отырған отбасылардан шыққан студенттер, мүгедектігі бар адамдар – 1 772;
- Ұлы Отан соғысының қатысушылары мен мүгедектеріне теңестірілген адамдар – 157;
- 18 жастан асқан І және ІІ топтағы мүгедек адамдар – 891;
- бала кезінен мүгедектігі бар адамдар және 18 жасқа дейінгі мүгедектігі бар балалар – 776;
- жетім және ата-анасының қамқорлығынсыз қалған студенттер – 2769;
- ауыл жастары арасынан келген студенттер – 109 204;
- ҚР азаматы болып табылмайтын ұлты қазақ студенттер – 5340;
- төрт және одан да көп кәмелетке толмаған бала тәрбиелеп отырған отбасылардан шыққан – 29 390;
- толық емес отбасылардан шыққан (мәртебесі кемінде үш жыл) – 17 851.
Құжат жобасын 26 сәуірге дейін ашық талқылауда болады.
