Мемлекет басшысы Қасым-Жомарт Тоқаев 2023 жылғы 17 шілдедегі жарлыққа қол қойып, Қазақстан Республикасының Мемлекеттік күзет қызметі туралы ереженің жаңа редакциясын бекітті, деп хабарлайды kazbusiness.kz.
Атап айтқанда, қазір МКҰ міндеттеріне мыналар кіреді:
- Қазақстан Республикасы Президентінің және басқа да күзетілетін адамдардың қауіпсіздігін қамтамасыз ету;
- ҚР Президентінің және басқа да күзетілетін адамдардың өміріне, денсаулығына, құқықтарына, бостандықтарына, жеке басының қадір-қасиетіне және меншігіне қарсы бағытталған құқық бұзушылықтарды анықтау, олардың алдын алу және жолын кесу;
- күзетілетін объектілерде және күзетілетін адамдар болатын басқа жерлерде меншікті қорғау, қоғамдық тәртіп пен қауіпсіздікті қамтамасыз ету;
- өз өкілеттіктері шегінде терроризмге қарсы іс-қимылды жүзеге асыру;
- күзетілетін адамдар мен объектілерге төнетін қатерлерді болжау және анықтау, олардың алдын алу және бейтараптандыру жөніндегі жедел шаралар кешенін жүзеге асыру;
- ҚР Мемлекеттік туы мен ҚР Мемлекеттік елтаңбасының эталондарын қорғауды жүзеге асыру және салтанатты және хаттамалық іс шараларды орындауға қатысу;
- президенттік байланыспен қамтамасыз етуді ұйымдастыру;
- заңдармен және ҚР Президентінің актілерімен айқындалатын өзге де міндеттер.
Бұған дейін Мемлекеттік күзет қызметі ҚР тұңғыш Президенті – Нұрсұлтан Назарбаевтың қауіпсіздігін қамтамасыз еткен, сондай-ақ ҚР тұңғыш Президентінің өміріне, денсаулығына, құқықтарына, бостандықтарына, қадір-қасиеті мен меншігіне қарсы бағытталған құқық бұзушылықтарды анықтауға, олардың алдын алуға және жолын кесуге, оны ҚР аумағында және шетелде халықаралық және өзге де байланыс түрлерімен қамтамасыз етуге жауапты болған.
Енді бұл тармақтар Мемлекеттік күзет қызметі туралы ережеден алынып тасталды. Сондай-ақ ережеден ҚР тұңғыш Президенті қауіпсіздігін қамтамасыз ету жөніндегі күзет іс-шараларын ұйымдастыру және өткізу алынып тасталды.
Жарлық 2023 жылғы 4 тамыздан бастап қолданысқа енгізіледі.
