Әлеуметтік желілерде үй киімімен, яғни “халат” киіп, өз міндетін атқарған полиция қызметкерінің бейнежазба қызу талқыға түсті. Видеоға байланысты ІІМ түсініктеме берді, деп хабарлайды kazbusiness.kz ақпарат агенттігі.
Ведомство мәліметінше, аталған оқиға 8 шілде кешкі сағат 11-де Деркөл кентінде орын алған. Орал қаласының ювеналды полиция бөлімшесінің қызметкері ата-анасының еріп жүруінсіз көшеде жүрген үш кәмелетке толмаған балаларды көріп, оларға қауіп төнуі мүмкіндігін ескере отырып, дереу шара қабылдаған.
Өз міндетін атқара отырып азаматтық киім үлгісінде болса да, балалар үшін жауапкершілікті сезінген ол жұмыста болмағанына қарамастан, аталған қызметкер үйінің жанында болып жатқан мән-жайды көре отырып, дереу заңды өкілдерін анықтап, полиция жасағын шақырған, – делінген ІІМ таратқан ақпаратта.
Осындай деректерді болдырмау және құқық бұзушылықтың алдын алу үшін заңды өкілдерге ҚР ӘҚБтК 442-бабының 2-бөлігінің талаптарын бұзғаны үшін әкімшілік хаттамалар толтырылды.
Алайда балалардың ата-аналарының бірі әкімшілік хаттама жасалғанына ашуланып, қызметкерді үй киімінде өз өкілеттіктерін жүзеге асыруға құқығы жоқ деп бейнежазбаға түсіре бастаған.
