БТА Банк Мұхтар Әблязовтың Франциядан кетуге міндеттелгеніне қатысты түсініктеме берді, деп хабарлайды kazbusiness.kz.
БТА Банк Мұхтар Әблязовтың баспана құқығы жөніндегі Ұлттық соттың босқын мәртебесінен айыру туралы шешім қабылдауы салдарынан оны Франция аумағынан 30 күн мерзімде кетуге міндеттейтін құжатты алғанын растады.
«Алайда бұл нұсқаманы орындау мүмкін емес. Өйткені тергеу судьясы Әблязовқа қатысты оған елден кетуге тыйым салатын сот бақылауы шарасын қабылдады», – деп хабарлады банкте.
Айта кетейік, 23 мамырда Францияның кассациялық соты Әблязовқа қатысты қылмыстық істе қудалау мерзімі аяқталмады деген шешім қабылдады.
«Осы шешімнің нәтижесінде іс тергеу судьясына Әблязовтың БТА Банкке қатысты жасаған алаяқтық және ақша жымқыру фактілері бойынша тергеуді жалғастыру үшін қайтарылды. Осылайша, ол Францияда әлі де тергеуде және бұл елден кетуге хақысы жоқ», – деді компанияда.
