Қазақстандық автобизнес қауымдастығында еліміздің жүргізушілер арасында ең танымал автомобиль модельдері аталды, деп хабарлайды kazbusiness.kz тілшісі.
Қазақстандық автобизнес қауымдастығының баспасөз қызметі хабарлағандай, 2023 жылғы маусымда қазақстандық автодилерлер 15 892 жеңіл автокөлікті, сондай-ақ 943 жүк көлігі мен автобусты сатты. Бұл өткен жылмен салыстырғанда 41,2%-ға көп. Жыл басынан бері елімізде 83 мыңнан астам жаңа автокөлік сатылды. Өткен жылдың сәйкес кезеңімен салыстырғанда 60,2%-ға көп.
“2023 жылдың алты айындағы нәтижелер 2013-2014 жылдардағы ұқсас кезеңдегі жаңа автомобильдерді сатудың рекордтық көрсеткіштеріне жақындады. АҚАБ болжамы бойынша ағымдағы жылы барлық типтегі кемінде 150 мың көлік сатылатын болады”, – деп хабарлады қауымдастық.
Маусым айында қазақстандықтар арасында ең танымал автобренд Hyundai (сатылған 4229 машина), одан кейін Chevrolet (4042) және KIA (2502) болды. Төртінші орында Chery (890), бесінші Jac (808).
Жалпы, бірінші жартыжылдықта Қазақстандағы ең танымал автокөліктер: Chevrolet (21 678 сатылған автомобиль), Hyundai (21 622), Kia үшінші орында (12 368) көш бастап тұр. Сондай-ақ, үздік бестікте Chery (4264) және Toyota (3690). Haval (2719), Changan (2366), Jac (2321), Exceed (2021) және Lexus (1748) көліктерге деген сұраныс әлдеқайда аз.
2023 жылдың бірінші жартыжылдығында Қазақстандағы ең танымал модельдер:
- Chevrolet Cobalt (14 851);
- Hyundai Tucson (6868);
- KIA Sportage (5398);
- Chevrolet Nexia (3697);
- Hyundai Elantra (3547);
- Hyundai Santa Fe (3262);
- Hyundai Sonata (2784);
- Chery Tiggo 7 Pro (2173);
- Hyundai Bayon (2137);
- Kia Sorento (2034).
