Кездесуге қатысушылар АӨК дамыту мәселелерін, күзгі дала жұмыстарының барысын талқылады, сондай-ақ ауыл шаруашылығы министрлігі басшысының орынбасары қант қызылшасын өсірумен айналысатын шаруалардың проблемалық мәселелері мен ұсыныстарын тыңдады.
Айта кетейік, Жамбыл облысы қант қызылшасын өсіретін негізгі өңірлердің бірі. Өңірде осы өнімді қайта өңдеу бойынша қуатты өндіріс орындары орналасқан.
Облыс әкімдігінің деректері бойынша 2022 жылы қант қызылшасының егіс алаңы 6,1 мың га құрады, ал 2021 жылы егіс алаңы 5,6 мың га құрады, статистикалық деректер бойынша 2021 жылы Жамбыл облысы бойынша өнімділігі 310,9 ц/га болатын қант қызылшасы 160,3 мың тонна (2020 жылдан 26,8 мың тоннаға артық) өндірілді. Қант қызылшасының өндірісі шамамен 171,0 мың тоннаны құрады (2017 жылы – 206,1 мың тонна, 2018 жылы – 192,9 мың тонна, 2019 жылы – 162,2 мың тонна, 2020 жылы – 133,5 мың тонна, 2021 жылы – 160,3 мың тонна).
Айта ктеейік, бүгінгі күні фермерлердің проблемалары мен ұсыныстарын назарға ала отырып, ҚР Ауыл шаруашылығы министрлігі қант саласын жаңғырту жоспарын пысықтауда.
Жоспарда келесі тармақтар қарастырылған:
- жаңа суармалы жерлерді іске қосу есебінен қант қызылшасының егіс алаңдарын кеңейту арқылы шикізат базасын 60 мың гектарға дейін ұлғайту;
- қант саласын мемлекеттік реттеу және қолдау шараларын күшейту.
- қант қызылшасын қайта өңдеу бойынша қолда бар қуаттарды техникалық және технологиялық қайта жарақтандыру, қант зауыттарын салу және жаңғырту;
- суарудың су үнемдеу технологияларын енгізу;
- құқым шаруашылығын дамыту;
Естеріңізге сала кетейік, 14 шілдеде Үкіметтің кеңейтілген отырысында Қазақстан Президенті Қасы-Жомарт Тоқаев бұрын іске қосылған жеті қант зауытының төртеуі ғана – Алматы және Жамбыл облыстарында жұмыс істейтінін айтқан болатын. Олардың жұмыс жүктемесі – 31%. Шындығында Қазақстан импорттық қантқа 90% тәуелді.
Мемлекет қант саласын жандандыруға қомақты қаржы ресурстарын салып отыр. Ауыл шаруашылығы министрлігінің өкілдері аталған шараларды іске асыру бәсекеге қабілеттілік деңгейін едәуір арттыруға және қазақстандық қант өндірушілердің өндірістік қуатын арттыруға мүмкіндік береді деп пайымдайды.
