Қаратал ауылына қарасты Қаратал өзенінен Талдықорған қалалық білім бөлімінің бұрынғы басшысы Роза Барманованың денесі табылды деп хабарлайды Kazbusiness.kz
Оқиға өткен түні орын алған.
Жергілікті балықшылар Қаратал өзенінен әйелдің денесін тауып алып, дереу Талдықорған қалалық полициясына хабарлаған.
Полицейлер суға батып кеткен әйелдің Талдықорған қалалық білім бөлімінің бұрынғы басшысы Роза Барманова екенін анықтады.
Тексеруден кейін әйелдің денесі өлім себебін анықтау үшін Талдықорғандағы мәйітханаға жеткізілді.
«Қаратал өзенінің маңында зорлық-зомбылықпен өлімнің сыртқы белгілері жоқ әйелдің денесі табылды. Аталған іс бойынша қалалық ішкі істер органдары тиісті тексеру өткізіп, кім екендігі анықталды. Арнайы медициналық сараптама тағайындалды», – делінген министрліктің баспасөз қызметі таратқан хабарламада.
Естеріңізге сала кетсек, Роза Барманова 2016-2022 жылдар аралығында Талдықорған қаласының білім бөлімін басқарған.
