Бүгін Қаскелең кәсіпкерлері кездесіп, тәжірибелерімен бөлісті, деп жазады Kazbusiness.kz сайты.
Батыс елдерінде бизнес-таңғы асында бас қосып, бизнес жобаларды ақылдасу әдетке айналған. Осы қағидатты Қаскелең кәсіпкерлері де негізге алып, жаңашыл ойлары мен тәжірибелерін бизнес-таңғы ас барысында талқылады.
Айта кетейік, бизнес-таңғы асы – қызығушылықтары ұқсас адамдардың кездесуі. Олар жиналып, тәжірибе және пайдалы ақпаратты бір-бірімен бөлісуді мақсат етеді.
Бүгінгі қаскелеңдік кәсіпкерлер басқосқан таңғы кездесуде салық және бухгалтерлік есеп тақырыбы талқыланды.
«Мадиконсалт» бухгалтерлік компаниясының иесі Әсел Дөнінбаева спикер ретінде сөз сөйледі. Ол бухгалтерлік есеп-қисап жүргізудің оңай тәсілдерімен бөлісті. Одан бөлек бухгалтерлік есеп жүргізудің жолдарымен бөлісті.
Сондай-ақ кездесу барысында басқа да кәсіпкерлер кәсіпті жүргізу кезінде қажет болар деген тиімді әдіс-тәсілдерін айтты.
Kazbusiness.club ұйымдастыратын мұндай бизнес-таңғы ас кезінде әр кәсіпкерді жаңа таныстықтан бөлек, қызықты әңгіме, пайдалы білім жене инсайт, жаңа идея, нетворкинг, түсіндірмелі ойындар күтеді.
