Қазақстан әлемнің 26 елімен өзара визасыз режимді енгізу бойынша келіссөздер жүргізуде, деп хабарлайды Мәдениет және спорт министрлігіне сілтеме жасаған kazbusiness.kz.
Қазақстан 26 елмен өзара визасыз режимді енгізу бойынша келіссөздер жүргізуде. Олардың арасында Австрия, Сауд Арабиясы, Сан-Марино, Бахрейн және басқа да елдер бар, делінген министрліктің баспасөз хабарламасында.
Сонымен қатар, азаматтары Қазақстанға электронды виза алуға өтініш бере алатын елдердің тізімін кеңейту, шақыру талаптарын алып тастау мәселелері қарастырылып жатқаны хабарланды.
БАӘ тұрғындарына жеңілдетілген виза беру мәселесі талқылануда.
“Қазақстан шетелдік саяхатшылар үшін қызықты және министрлік еліміздің туристік әлеуетін толық ашуға, соның ішінде келетін туристер ағынын арттыруға жұмыс жасауда.
Оның үстіне министрлік қазірдің өзінде көші-қонды бақылауды жақсарту тетіктерін енгізуде. Мысалы, eQonaq ақпараттық жүйесі”, – деді Мәдениет және спорт министрлігінің ресми өкілі Мөлдір Әбдуалиева.
