Қазақстан Тәжікстанға бидай мен ұн экспортын арттыруға дайын, деп хабарлайды kazbusiness.kz.
Бұл туралы Қазақстан-Тәжістан бизнес форумында Премьер-Министрдің орынбасары – Сауда және интеграция министрі Серік Жұманғарин айтты.
«Биылдың өзінде маусымаралық кезеңде Тәжікстаннан Қазақстанға әлеуметтік маңызы бар агроөнімдерді жеткізу туралы уағдаластыққа қол жеткізілді. Бұл біздің өзара іс-қимылмыздың шегі емес екеніне сенімдімін. Менің тапсырмам бойынша жыл басынан бері қазақстандық бизнес өкілдері бар бірнеше делегация Тәжікстанға барып үлгерді. Тәжікстанға жылы қабылдағаны үшін алғыс айтқым келеді. Біз өз тарапымыздан күнбағыс майы, бидай және ұн экспортын арттыруға дайынбыз. Форум алаңында тиісті коммерциялық уағдаластықтарға қол қойылады», – деді ол.
