“Инфрақұрылымдық жобалардан басқа,арнайы экономикалық аймақ (АЭА) аумағында 21 мыңнан астам жұмыс орнын құра отырып, 1, 2 трлн сомасына 315 инвестициялық жоба іске асырылатын болады”, – деп хабарлады QazIndustry АҚ арнайы экономикалық және индустриялық аймақтарды дамыту жөніндегі бірыңғай үйлестіру орталығы басқарма төрағасының орынбасары Марат Бопазов.
Жалпы, оның айтуынша, осы уақыт аралығында 5, 5 трлн.көлемінде инвестиция тартылған.
“Қорғас – Шығыс қақпасы” арнайы экономикалы аймағының базасында соңғы буынның логистикалық кластері құрылды. “Астана – жаңа қала” АЭА-да алғаш рет теміржол, машина жасау кластері құрылды. “Оңтүстік” АЭА-да тоқыма өнеркәсібі жолға қойылған. Ұлттық индустриялық мұнай-химия технопаркінің және “Павлодар” АЭА мұнай-химия кластерінің негіздері қаланды”, – деді спикер.
