“Самұрық-Қазына” қорының төрағасы Нұрлан Жақыпов Қазақстанда атом электр станциясының құрылысын жоспарлаудағы қиындықтарға тоқталды. Бұл туралы Қордың ұйымдастыруымен өткен баспасөз мәслихатында айтылды, деп хабарлайды kazbusiness.kz ақпарат агенттігі.
Қордың баспасөз брифингінде Жақыпов атом электр станциясын салу мәселесін көтерді. Айтуынша, шешім әлі қабылданған жоқ.
“Қазақстанда АЭС бола ма, жоқ па, шешу үшін көптеген фактор бар. Осы шешімді қабылдағаннан кейін қандай өндіруші немесе сатушымен салатынымыз туралы айта аламыз. Бүгін атом электр станциясы салынатын жерге қатысты мәселелер бар екенін көріп отырмыз. Біз түсінуіміз керек және орын туралы шешім қабылдауымыз керек, өйткені бірқатар талап бар, соның ішінде су мен экология”, – деді Жақыпов.
