12 сәуірден бастап Қазақстанда бензин қымбаттайды, деп хабарлайды kazbusiness.kz.
«Көрші елдермен салыстырғандағы баға айырмашылығын төмендету қажет. Бұл қиын, бірақ қажет шешімге баруымыз керек», – деп мәлімдеді энергетика министрінің міндетін атқарушы Болат Ақшолақов.
▫️АИ-92 және АИ-93 маркалы бензин бағасы литріне 182-187 теңгеден 205 теңгеге дейін өседі – 11 пайыз.
▫️Дизель отыны 230-260 теңгеден 295 теңгеге дейін көтеріледі. Өсім – 20 пайыз.
“Осындай бұйрық жобасын жариялаймыз. Бағадағы айырмашылық мәселесін қазір қолға алмасақ, алдағы уақытта біз үлкен тапшылықтың куәгері боламыз», – деді ол.
