Қазақстанда жемқор шенеуніктерден тәркіленген ақшаға 70 мектеп салынады, деп хабарлайды kazbusiness.kz.
Бұл туралы Оқу-ағарту министрі Ғани Бейсембаев айтты.
“Биыл жемқор шенеуніктер ақшасына 70-тен аса мектеп салынады. Ол үшін құжаттарымыз бар, тізім де бар. Жақын күндері бұл тізім қолдау алған соң, құрылысқа қаржы бөлінеді. 20-ға жуық өңірді қамтиды”, – деді министр үкімет кулуарында журналистер сұрағына жауап беріп.
Министр бұл жобада жаңа мектептер салу да, бұрыннан барларды жөндеу де қарастырылатынын айтты.
