Елімізде сыбайлас жемқорлық бойынша ұсталып, ісі сотқа берілген әрбір төртінші адам құзырлы орган қызметкерлері көрінеді, деп хабарлайды Kazbusiness.kz ақпарат агенттігі Finprom.kz-ке сілтеме жасап.
Сараптамалық сайт дерегіне сүйенсек, биылдың өзінде 414 адам жемқорлық дерегімен ұсталған. Олардың ішінде 16 адам аса ауыр бап бойынша айыпталса, 307-сінің жазасы ауыр және 88-і орташа ауырлықта.
Ал өңірлер бөлінісінде жемқорлардың басым бөлігі Астана қаласында ұсталған. 64 адам — өткен жылмен салыстырғанда 14,3 пайызға артық.
Сыбайлас жемқорлық қылмыстары үшін сотқа берілген адамдардың көпшілігі — 26,1% – ішкі істер органдарының қызметкерлері: 61 адам. Сотқа берілгендердің арасында әкімдіктер мен олардың құрылымдық бөлімшелерінің (39 адам), Қаржы министрлігінің (7 адам), Индустрия және инфрақұрылымдық даму министрлігінің (6 адам) қызметкерлері, сондай-ақ ішкі істер министрлігінің Қылмыстық-атқару жүйесі комитетінің қызметкерлері (4 адам) бар.
