Соңғы жылдардағы алдау фактілерінің жаппай көбеюі әсерінен еліміздегі несие алу сервисіне бірқатар өзгешеліктер енгізілді. Әлеуметтік статус, жас, гендер талғамайтын алаяқтардың құрбаны болмас үшін қазақстандықтар қандай алдын-алу шараларын жүргізе алады? Ендігіде қазақстандықтар несие алу мүмкіндігін “Стоп кредит” сервисі арқылы ерікті түрде шектей алады. Egov сайты немесе Egov mobile қосымшасы арқылы өтініш беріп, ұрылардың құрбаны болмаудың алдын алуға болады. Zakon.kz -тің мәлімдеуінше 2022 жылы өзге адамның атынан несие немесе микрокредит алу статистикасы 4,2 пайызға жоғарлаған. Яғни бір жыл ішінде 5,8 мың несие алынған. Олардың жалпы соммасы 8,1 млрд теңгені құрайды. Қазақстан Республикасының Қаржы нарығын реттеу және дамыту министрилігі фишинг немесе вишинг алаяқтардың ең көп қолданысындағы әдістер деп мәлімдеді. Осы мәселеге қатысты ҚР қаржылық қызмет тұтынушыларының құқығын қорғау басшысы Александр Терентьев “ Әр жыл сайын алаяқтар ақша жымқырудың жаңа әрі инновациялық әдістерін ойлап табуда. Осы орайда біз жұмыла алаяқтарға төтеп беруіміз керек”,- деді. Онлайн-банкингте сіз жасамаған ақша операциялары орын алса, ақша түссе немесе несие рәсімделгендігін байқасаңыз,барлық сұрақтарды банк арқылы шешіңіз.
Қазақстандықтар несие алудан өз еркімен бас тарту үшін:
- Ең алдымен egov.kz сайтына немесе eGov mobile қосымшаралының қолданушысы болып, сайтқа кіруі керек.
- Қосымшада “ Қызметтер” бөлімін таңдап, “ 6 ай көлемінде несие мен микрокредиттерден ерікті түрде бас тарту” бөлімін таңдап, аталмыш қызметті жүзеге асыра алады.
- Ары қарай бос орындарды толтырып, қызметті онлайн жүзеге асыру батырмасын басу керек.
“ ҚР Азаматтық кодексінің 953 бабына сәйкес, ешбір келісімшартсыз, ескертусіз өзге тұлғаның атынан алынған мүлік, дереу қайтарылуы керек.”- деді Терентьев.
