Қаржы нарығын реттеу агенттігі жобаның мақсаты тұтынушылық несиелендірудің шамадан тыс өсуіне жол бермеу және халықтың қарыз жүктемесін шектеу екенін көрсететін құжат жариялады.
«Берілетін қарыз сомасын толығымен жабатын жылжымайтын мүлік/ақша кепілімен қамтамасыз етілген несиелерді қоспағанда, барлық берілетін банктік қарыздар мен микрокредиттерге борыштық жүктеме коэффициентін есептеу бойынша талапты тарату ұсынылады. Сондай – ақ, білім беру кредиттері жүйесі және тұрғын үй құрылысы жинақтары жүйесі шеңберінде берілетін қарыздар», – делінген құжатта.
Естеріңізге сала кетейік, егер әлеуетті қарыз алушының табысы ең төменгі күнкөріс деңгейінен (2022 жылы 37 389 теңге) және отбасының әрбір кәмелетке толмаған мүшесіне ең төменгі күнкөріс сомасының жартысынан аз болса не КДН мәні шекті мәннен асып кетсе қолданыстағы редакцияда банк кредит беруден бас тартады.
Сондықтан, Қазақстан Республикасы Қаржы нарығын реттеу және дамыту агенттігі осы жағдайлардың бірі туындаған кезде банктер несие беру туралы оң шешім қабылдамайтын талапты белгілеуді ұсынады.
Құжат 2022 жылдың 24 тамызына дейін талқылануда.
