Бұған дейін ұлттық экономика министрі Әлібек Қуантыров, ведомство Қонаев қаласындағы ойынханалардың ары қарай жұмысы ойын мекемелері қызметкерлері арасында резонанс тудырғанын және Қонаев қаласындағы ойынхананың әрі қарай жұмыс істеу мәселеренін қарастыратынын айтқан болатын.
Аталған факті бойынша “QAPINFO” АА журналисі тиісті сауал жолдап, оған ҚР Мәдениет және спорт министрлігі Туризм индустриясы комитеті төрағасының орынбасары Мирас Төлебаев жауап берді.
«Қазіргі уақытта Алматы облысындағы Ойын аймағының орналасуын өзгерту мәселесі Үкіметтің күн тәртібінде тұрған жоқ.Жалпы, Қапшағай қаласы атауының өзгеруіне байланысты ойын мекемелерін көшіру мәселесі кешенді сипатқа ие және құқықтық және экономикалық орындылығы тұрғысынан, оның ішінде жұртшылық пен ойын бизнесі қоғамдастығының ұстанымдарын ескере отырып, жан-жақты зерттеуді талап ететінін атап өткен жөн»,- деді Мирас Төлебаев.
Бұл жерде бүгінгі таңда жұмыс істейтіндерді атап өту маңызды
Алматы облысының Қонаев қаласындағы (Қапшағай қаласы) 5 казино облыстың ірі салық төлеушілері болып табылады.
Айта кетейік, берілген лицензиялар тізіліміне сәйкес, бүгінгі күні казино қызметімен айналысу құқығына қолданыстағы 6 лицензия бар, олардың 5-і Алматы облысының Қонаев қаласында және 1-і Ақмола облысының Бурабай ауданында тіркелген.
ҚР Қаржы министрлігі Мемлекеттік кірістер комитетінің мәліметінше, 2021 жылы казино бюджетке 8,3 млрд теңге сомасында салық аударымдарын төлеген. Конаев қаласы әкімдігінің мәліметінше, Конаев қаласында орналасқан казинодағы қызметкерлердің жалпы саны 2,5 мыңнан астам адамды құрайды.
