Қазақстанда құқық қорғау органдарының ақпараттық жүйелерін екінші деңгейлі банктермен интеграциялануы мүмкін. Ішкі істер министрлігі дайындаған бұл жоба “Ашық НҚА” сайтында жарияланды, деп хабарлайды kazbusiness.kz.
Айтылған норма “Қоғаммен әріптестікте қоғамдық қауіпсіздікті қамтамасыз етудің 2024-2028 жылдарға арналған тұжырымдамасын” іске асыру жөніндегі 2024-2028 жылдарға арналған іс-қимыл жоспарына енді.
“Екінші деңгейлі банктердің базасын құқық қорғау және арнайы органдардың ақпараттық жүйесімен байланыстыру заңсыз банк операцияларына қатысты қылмыстық істерді тергеу үшін жоспарланған. Жобаның орындалу мерзімі – 2024 жылдың екінші жартыжылдығы”, – делінген жобада.
Тұжырымдама бекітілген жағдайда оны орындау Бас прокуратура, Ұлттық банк, Қаржы нарығын реттеу және дамыту агенттігі және Цифрлық даму және аэроғарыш өнеркәсібі министрлігіне табысталған.
Жобаны қоғамдық талқылау 26 мамырға дейін жалғасады.
