Қазақстанда 720 жылжымайтын мүлік иесінің тұрғын үйлері 100 миллион теңгеден асады. 2021 жылы қымбат үйлердің иелеріне жалпы сомасы 610 миллион теңге мүлік салығы есептелді, деп хабарлайды kazbusiness.kz.
ҚР мемлекеттік кірістер комитетінің баспасөз қызметі хабарлауынша, меншігінде қымбат үйі бар азаматтардың басым бөлігі, яғни 649-ы республикалық маңызы бар қалаларда және елордада тұрады.
“Салық төлеушілердің 78,4%-ы немесе 3 миллион адам – құны 4 миллион теңгеге дейінгі мүліктің иелері”, – делінген МКК ведомоствосында.
.Қазір жеке тұлғалардың мүлкіне салынатын салық оның құнына қарай есептеледі. Бұл көлік салығына ұқсас (салық ставкасы автомобиль қозғалтқышының көлеміне байланысты).
Сонымен бірге, құны 100 миллион теңгеден асатын жылжымайтын мүлік иелеріне жалпы алғанда 610 миллион теңге мүлік салығы есептелді.
Айта кетейік, 1 қыркүйекте ел президенті Қасым-Жомарт Тоқаев жолдауында жаңа салық кодексі қолданылатынын мәлімдеп, онда тұрғындар объект құнына сай салық төлейтінін түсіндірді.
