Олар «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында 2019 жылы 5 млн. теңге несие алған болатын.
Қазіргі таңда тігін цехында замануи, сапалы, арнайы құрақ көрпелер, ұлттық өрнекпен безендірілген жастықтар, түрлі бесік жиынтықтары, дастархандар, тұсау-кесер жиынтықтары және басқа да ұлттық нақыштағы өнімдер шығады.
«Бүгінгі таңда Қазақстанда жеңіл өнеркәсіпті дамыту басым бағыттардың бірі. Өйткені бұл саланың әлеуметтік маңызы зор, халықты жұмыспен қамтуға үлес қосады. Цехқа 7 адамды жұмысқа алдық. «Даму» Қоры біздің идеяларымызды жүзеге асыруға және кеңейтуге әрдайым қолдау көрсетіп жүр», – деді апалы-сіңлілі Прекеевалар.
Өткен жылы ісмерлер өнімнің көлемін арттыру және цехты кеңейту мақсатында «Қарапайым заттар экономикасы» бағдарламасы аясында 6 пайыз жеңіл несиемен 14 млн. теңге алған.
Бүгінгі таңда кәсіпкерлердің ұлттық нақыштағы бұйымдарына сұраныс екі есе артқан.
