Жыл соңына дейін құс санын көбейту есебінен 10 мың жұмыртқаға дейін алу жоспарлануда.
Азаматтан оның әйелі де қалыс қалмақ емес.
– Қияр, қызанақ, көкөніс, тәтті бұрыш өсіремін. Бірінші кезекте біз экологиялық таза өнімімізді ауыл тұрғындарына сатамыз, Сарқан қаласындағы жәрмеңкеге де шығарамыз. Мен сондай-ақ қыста жеу үшін түрлі салаттар мен қияр, қызанақ жабамын. Қалағандар сатып алады. Біздің жылыжай екінші жыл жұмыс істеп келеді. Жылыжайымызда фитолампалар орнатып, тамшылатып суару әдісін қолданамыз, – деп атап өтті Әйгерім.
Қазір Азаматтың фермасында 1000 бөдене бар. Инкубаторға шамамен 7500 жұмыртқа салынған. 12 күннен кейін балапандар шыға бастайды. Шамамен 40-шы күні аналықтар жұмыртқалай бастайды, ал 45-ші күні аталықтарын соя бастайды. Сол себепті бірінші кезеңде құс саны 3500 бас болатын. Азамат табиғи таза құс етінің бір келісін 3200 теңгеден сатады, ал 1 жұмыртқа – 23 теңге тұрады. Құны нарықтағы бағадан төмен, себебі Азамат жергілікті шаруалардың арқасында құс қорегіне қажетті жем мәселесін шеше алды.
Шағын ферма ресми тіркеуден өткеннен кейін Азамат кәсібін кеңейтіп, заманауи жабдықтарды сатып алуды жоспарлап отыр. Ал әзірше ол бөденелердің торларын өз қолымен жасап, Алматы қаласынан сатып алған инкубаторға арналған үй-жайының құрылысын жүргізді.
Азамат бал өндірумен де айналысады. Өткен жылы оның омартасында 23 ұя болса, биыл оның саны 50-ге жетті. Алдағы уақытта аралардың ұясын 200-ге дейін көбейту жоспары бар.
