Енді қазақстандықтар сенімхатты онлайн-режимде рәсімдеу мүмкіндігіне ие болды. Онлайн сенімхат «Цифрлық құжаттар» сервисінде қолжетімді және оны талап ету орнына ұсынуға болады, деп хабарлайды kazbusiness.kz.
Бүгін жаңа сервис – Цифрлық нотариаттың таныстырылымы өтті. Оған цифрлық даму министрі Бағдат Мусин мен Әділет министрі Азамат Несіпбайұлы қатысты.
Енді eGovMobile ұялы қосымшасы арқылы нотариалды түрде куәландырылатын сенімхаттарды онлайн форматқа ауыстыруға болады. Оны шетелде жүрген азаматтар да пайдалана алады. Ол үшін қосымшаға кіріп, нотариусқа бейнеқоңырау шалу жеткілікті.
Министр болашақта мұндай қызмет екінші деңгейлі банктердің қосымшаларында да пайда болатынын айтты.
