Алматы облысының кәсіпкерлер палатасы сотта тағы бір кәсіпорынды қорғады. Нақтыласақ, “Карьер Аксай” ЖШС әкімшілік талап – арызы қанағаттандырылды, деп жазады kazbusiness.kz.
Сот шешімі заңды күшіне енгеннен кейін оны орындау үшін бес күн мерзім белгілей отырып, “Алматы облысының кәсіпкерлік және индустриялық-инновациялық даму басқармасы” мемлекеттік мекемесінің келісімшартының қолданысын тоқтата тұру туралы бұйрықтың күші жойылды.
Сондай-ақ “Алматы облысының кәсіпкерлік және индустриялық инновациялық даму басқармасы” мемлекеттік мекемесіне АПК-нің 171-бабының 2-бөлігі тәртібінде сот шешімінің заңды күшіне енген күннен бастап белгіленген мерзімде орындалуын түсіндіру және бұл туралы сотқа жазбаша хабарлау тапсырылды.
“Сот белгілеген мерзімде сот шешімін орындамағаны үшін жауапкерге 50 АЕК мөлшерінде ақшалай өндіріп алу туралы “Алматы облысының кәсіпкерлік және индустриялық инновациялық даму басқармасы” мемлекеттік мекемесіне АПК-нің 127-бабының 5-бөлігі тәртібімен түсіндірілсін”, – делінген хабарламада.
Сот шешіміне сәйкес, Алматы облысы бойынша Мемлекеттік кірістер департаментінің Қарасай ауданы бойынша Мемлекеттік кірістер басқармасы мемлекеттік мекемесі “Ақсай карьері” ЖШС төленген мемлекеттік бажды 1590 теңге сомасында қайтарылады.
Айта кетейік, апелляциялық шағымды, прокурордың өтінішхатын әкімшілік процеске қатысушылар, прокурор Қазақстан Республикасы Әкімшілік рәсімдік-процестік кодексінің 168-бабының талаптарын сақтай отырып, шешім түпкілікті нысанда шығарылған күннен бастап екі ай ішінде Алматы облысының мамандандырылған ауданаралық әкімшілік соты арқылы Алматы облыстық сотының әкімшілік істер жөніндегі сот алқасына бере алады.
