Мемлекеттік кірістер комитетінің баспасөз қызметінің мәлімдеуінше, әлеуметтік желіде тараған такси қызметін заңдастырмағандардың көлігін тәркілеу туралы ақпарат шындыққа жанаспайды.
Жауапты органның мәліметіне сүйенсек, әкімшілік құқық бұзушылық туралы кодекстің жекелеген баптарында соттың тиісті шешімі болған кезде ғана мүлікті алып қою мүмкіндігі көзделеді.
ҚР Конституциясына сәйкес, сот шешімі шықпаған жағдайда ешкім өз мүлкінен айырылмайды. Бүгінгі күні такси қызметін заңсыз жүзеге асырғаны үшін көлік құралдарын тәркілеудің бірде-бір фактісі тіркелген жоқ.
Ведомствода ЖК-ті электрондық үкімет порталы (Е-лицензиялау), Е-salyq Business мобильдік қосымшасы және Kaspi және Halyk банктерінің мобильдік қосымшалары арқылы тіркеуге болатындығын еске салады.
