Қостанайда такси жүргізушісі ер адамды пышақтап тастады, деп хабарлайды kazbusiness.kz ақпарат агенттігі облыстық ПД баспасөз қызметіне сілтеме жасап.
Ведомство мәліметінше, орталық базар ауданынан ауруханаға пышақ жарақатын алған ер адам жеткізілген.
Жүргізілген тексеру аясында полиция жолаушы мен такси жүргізушісінің арасында қақтығыс туындап, жүргізуші пышақ жарақатын салғаны анықталды.
“Аталған факті бойынша ҚР ҚК 106-бабы бойынша сотқа дейінгі тергеу басталды. Қазіргі уақытта болған оқиғаның мән-жайын анықтау жұмыстары жүргізіліп жатыр”, – делінген хабарламада.
