Алматы облысы Кәсіпкерлер палатасының өкілі Сәния Наурызбаева мен әйелдер кәсіпкерлігін дамыту орталығының өкілдері Светлана Оңғарбаева мен Мәдина Байборинова болашақ тігіншілерді сертификат алуымен құттықтады.
“Мұндай бағдарламалар кәсіп бастағысы келіп жүрген әйелдер үшін жаңа мамандықты тегін меңгеруі үшін қажет. Биыл әйелдер кәсіпкерлігін дамыту орталығына 500-ге жуық әйел жүгінген. Қазір олар өздеріне қажет қызмет түрін әртүрлі бағытта алады. Сонымен қатар, кәсіпкер әйелдер қаржылық емес қызметтерге қол жеткізе алады. Бұл бағыттағы жұмыстар жалғасатын болады”, – деді Сәния Наурызбаева.
Сәния Наурызбаеваның айтуынша, «Атамекен» кәсіпкерлер палатасы жанынан тігінші мамандығы бойынша оқу курсы құрылған. Әйелдер кәсіпкерлігін дамыту орталығының жүргізген сараптамалық жұмысының нәтижесінде осы мамандыққа деген сұраныс жоғары.
“Шілде айында Жамбыл ауданының оқу орталығында кондитер мамандығы бойынша 25 әйел білім алды. Аталған оқыту әйелдер арасында кәсіпкерлікті дамытуға, олардың жаңа жобаларын жүргізуге бағытталған. Біз әйелдер арасында кәсіпкерлікті дамыту бойынша сараптамалық жұмыс жүргізудеміз. Жақын арада басқа мамандықтарға оқыту курстары ашылады. Бұл оқыту курстарына жұмыссыз және көп балалы әйелдер қатысады. Оқыту курстарының қорытындысы бойынша Көксу ауданында, Ақсу ауданында және Текелі қаласында тігін цехтары ашылды. Бұл шағын бизнестің дамуына септігін тигізеді”,- деді Өңірлік палата өкілі Сәния Наурызбаева.
