Өңір басшысы сапар барысында Дәулет ауылына ат басын бұрды. Дәулеттік тұрғындар облыс әкіміне экологиялық және санитарлық сипаттағы мәселелер мазалайтынын жеткізді.
Қарашаның сөзіне құлақ ассақ, ауылдың шетінде «Асанбек» шаруа қожалығы орналасқан. Аталған жеке шаруашылық өсімдіктерді ұрықтандыру үшін сүйек ұнын өндірумен айналысады.
Жергілікті тұрғындар осы нысаннан бүкіл ауылға тарайтын жағымсыз иіске шағымдануда. Биологиялық қалдықтарды көму және кәдеге жарату ережелерін сақтамау салдарынан шаруашылық аумағындағы иіс қолқаны алады. Жағдай жазда тіпті күрделене түседі. Қатты шірік иісі ауаға тарап, жергілікті тұрғындар шыдай алмайды. Бұл мәселеге облыс әкімінің назарын аударған қоғам белсенділері кәсіпорынның өзінің қызмет түріне қажетті рұқсат құжаттарынсыз жұмыс істейтіндігін айтты.
Марат Сұлтанғазиев мәселені бірден шешуге прокуратура қызметкерлерін тартты. Алдағы уақытта олар дереу Талғар ауданындағы осы және басқа да осыған ұқсас кәсіпорындарда тиісті тексерулер жүргізеді. Қоршаған ортаны ластау, Экологиялық кодекс пен санитарлық-эпидемиологиялық нормаларды бұзу фактілері анықталған жағдайда кінәлілер заңды жазаға тартылады.
