ҚР Бәсекелестікті қорғау және дамыту агенттігі (БҚДА) Цифрлық даму, инновациялар және аэроғарыш өнеркәсібі министрлігіне (ЦДИАӨМ) абоненттердің құқықтарын қорғауға бағытталған байланыс қызметтерін көрсету қағидаларына өзгерістер енгізу туралы ұсыныстар жіберді, деп хабарлайды kazbusiness.kz.
Азаматтар тарапынан ҚР Бәсекелестікті қорғау және дамыту агенттігіне ұялы операторлар тарифтердің құнын біржақты орынсыз көтеретіндері туралы шағым түскен. БҚДА материалдарды талдаудан кейін ұялы байланыс операторлары тарифтік жоспарда абоненттер талап етпесе де қызметтер көлеміне шамалы өзгерістер енгізіп, содан кейін бір мезгілде тарифтік жоспардың құны артыратынын анықтаған.
“Ұялы байланыс операторларының бағаны көтере отырып, абоненттер талап етпеген қызмет көлемін таңу жағдайларын жою үшін БҚДА байланыс саласындағы уәкілетті органға белгілі бір ұсынымдар әзірледі. Атап айтсақ, ұялы байланыс операторларына негізі бар шығындар аясында байланыс тарифі жоспарының құнын арттыру жайын қоспағанда, шарттарын өзгертуге тыйым салуы туралы ұсынысты жолдады“, – деп хабарлады БҚДА баспасөз қызметі.
Айтылған ұсыныс қабылданса, тарифтер негізсіз көтерілген жағдайда ұялы операторлар әкімшілік жауапкершілікке тартылады.
“Ұсынылған ұсынымдар байланыс қызметтерін тұтынушылардың құқықтарын қорғауға бағытталған. Олар оператормен шарт жасасу кезінде келіскен тарифтік жоспарлардың шарттарын пайдалануға құқылы. Сондай-ақ, өзінің тарифтік жоспарының шарттарына қанағаттанбаған абонент шарттары қолайлы өзге тарифтік жоспарға ауысуға да құқығы бар“, – деп анықтайды БҚДА.
Қазіргі уақытта БҚДА-ның ұсыныстары Цифрлық даму, инновациялар және аэроғарыш өнеркәсібі министрлігінде қарастырылып жатыр.
