Алқалы топты жинаған Алматы облысының аймақтық форумында мәдениет және спорт министрінің орынбасары Ержан Еркінбаев арнайы келді.
Шарада сөз алған вице-министр елдегі туризмнің ахуалына тоқталып, айтарлықтай өсім бар.
Ержан Мәлікұлының айтуынша, елімізде соңғы 9 айда 6,5 млн турист келген. Бұл өткен жылдың сәйкес кезеңімен салыстырғанда 1,5 млн адамға артық екені көрсетіп отыр. Жалпы алғанда дархан даланың кереметін көзбен көруге келген халық нөпірінен 130 млрд теңгенің айналасында түсім түскен.
Айта кету керек, пандемия кезінде ішкі туризмде бірқатар серпін болған, оның айқын дәлелі, ел ішіндегі көрікті мекенді аралағандар саны 6,7 млн адамды құраған.
Ел аумағында дәл осы туризм бағытында Алматы облысының алар үлесі орасан зор. Бұл туралы Ержан Мәлікұлы форум барысында мәлімдеді.
« Алматы облысы табиғаты ерекше әсем аймақ. Бұл өлке туризм саласында ірі жобаларды іске асыруға ең қолайлы мекен болып саналады. Қазіргі таңда республика бойынша туристік инвенстициялық капиталдың 25 пайызы Алматы облысының еншісінде»,- деді вице-министр Ержан Еркінбаев.
Жалпы , елімізге келуші туристердің әрбір төртіншісі өңірдегі ұлттық парктер не ат басын бұрады екен. Осыны басшылыққа алған жауаптылар Алматы облысының аумағындағы бірқатар ұлттық парктердің дамуына басым назар аударған еді.
Оның айқын дәлелі, Іле-Алатауы табиғи паркінде Аюлы және Түргенсай визит-орталығы ашылып, ендігі кезекте дәл осындай «Батан» визит-орталығы ашылғалы отыр. Сонымен қатар, Шарын шатқалының жайы да жақсарғаны баршаға мәлім, арнайы эко- әжетханалар мен ішуге арналған субұрқақ орнатылған болатын.
Шатқалдан шарын өзеніне апаратын жолда қалыпқа келген жайы бар.
Бұл маңда да визит-ориалықтың құрылысы жүріп жатыр және кемпинг, глемпинг салынады деп көзделген.
Ал, атақты Көлсай көлдеріне келетін болсақ, бұл маңға инвесторларды тарту жұмысы талқылану үстінде.
Бұл дегеніміз, Алматы облысындағы туризм әлеуетінің артуының нақты кепілі.
