Мәулен Әшімбаев ұлттық қор қаражатының кемуіне алаңдаушылық білдірді, деп хабарлайды kazbusiness.kz.
«Жалпы біз базалық инфрақұрылымды және стратегиялық шығындарды ұлттық қордан қаржыландыру керектігін қолдаймыз. Бірақ сонымен бірге ұлттық қор қаржысын 100 млрд долларға дейін жеткізу туралы Президент тапсырмасын да орындауымыз керек. Қазір біз ұлттық қор қаржысының төмендеу тенденциясын көріп отырмыз. Кейінгі 8 жылда ұлттық қорымыздың қаржысы 73 млрд доллардан 57 млрд долларға дейін түскен. Яғни төмендеу тенденциясына куә болып отырмыз», – деді ол.
