“Үшқоңыр” спорт кешенінің базасында 600 орындық спорт мектеп-интернаты салынады. Бұл туралы әлеуметтік желідегі парақшасында мектеп директоры Дәурен Төлегенұлы бөлісті, деп жазады kazbusiness.kz тілшісі.
Қарасай ауданына қарасты Шамалған ауылындағы “Үшқоңыр” спорт кешенінің жанынан 600 орынға мектеп-интернат салынады. Бүгінгі күні құрылысқа дайындық жүмыстары басталып кетті. Өз кезегінде облыс басшысы Марат Сұлтанғазиев арнайы келіп, жұмыс барысымен танысты.
Еске салсақ, интернат салу спортшылар, тұрғындар өтініш білдіргеннен кейін қолға алынған. Қазіргі уақытта бұқаралық спортты дамытуға, салауатты өмір салтын насихаттауға сүбелі үлес болатын бұл жобаны жүзеге асырудың мүмкіндіктері зерттелуде.
“Бұл интернат мықты спортшылар базасын дайындап, олимпиада чемпиондарының көбеюіне ықпал ететін орын болары анық”, – деп жазды Дәурен Төлегенұлы.
Өз кезегінде өңір басшысы нысанның маңыздылығына назар аударып, мәселені бақылауда ұстайтындығын жеткізді.
