Сот Mudarabah Capital қаржы пирамидасына қатысты үкім шығарды. Барлығы 12 адам іс бойынша кінәлі деп танылды, деп хабарлайды kazbusiness.kz.
«Компания басшысы Руслан Бурханов 12 жылға, құрылтайшысы Андрей Ча 5 жылға, Мейіржан Төребаев пен Мейірхан Шерниязов 5 жылға бас бостандығынан айырылды», – делінген хабарламада.
Төребаев пен Шернияздан басқа барлық сотталушылар Қылмыстық кодекстің екі бабы – 217 «Қаржы пирамидасын құру және басқару» және 262 «Ұйымдасқан топты, қылмыстық ұйымды құру және басқару» бойынша кінәлі деп танылды.
Мейіржан Төребаев ҚР ҚК 262-бабының 2-бөлігі бойынша кінәсіз деп танылды, бірақ ҚК 217-бабы бойынша айыпты деген үкім шықты. Оған ең төменгі қауіпсіздік атқарушы жүйесі мекемесінде жазасын өтей отырып, бес жыл бас бостандығынан айыруды тағайындады.
Мейірхан Шерниязов ҚР ҚК 262-бабының 2-бөлігі бойынша кінәсіз деп танылды, бірақ ҚК 217-бабы бойынша айыпты, делінген. Сондай-ақ оған ең төменгі қауіпсіздік мекемесінде бес жылға бас бостандығынан айыру жазасы тағайындалды.
