Бәсекелестікті қорғау және дамыту агенттігі ел өңірлерінде жанар-жағармай құю станцияларында ЖЖМ (жанар-жағармай материалдары) саудасына шектеу қойғандар үшін жауапкершілік бар екендігін ескертеді, деп хабарлайды kazbusiness.kz.
Еліміздің жанар-жағармай құю станцияларында ЖЖМ сатуды шектеу фактілері жиілеген. Осыған байланысты Бәсекелестікті қорғау және дамыту агенттігі бұл әрекеттер монополияға қарсы заңнаманы бұзу екендігін еске салды.
“Кәсіпкерлік кодекс нарыққа қатысушылардың келісілген іс-әрекеттеріне және басым компаниялардың тауарды өткізуден негізсіз бас тарту жөніндегі іс-әрекеттеріне тыйым салады”.
“Мемлекеттік органдар күн сайын жанар-жағармай құю станцияларында және сақтау базаларында мұнай өнімдерінің сатылуына мониторинг жүргізеді. Бағаның жоспарлы өсуіне қарамастан, кәсіпкерлік субъектілері ЖЖМ болған кезде оларды белгіленген бағалар бойынша уақтылы өткізуге міндетті. Жанар-жағармайды сатуда шектеу қойған жосықсыз кәсіпкерлерге қатысты шаралар қабылданатын болады. Монополияға қарсы заңнаманы бұзғаны үшін әкімшілік құқық бұзушылық туралы Кодекс аясында компания табысының 5%-на дейін айыппұл салуды көзделген”, – деп хабарлады Бәсекелестікті қорғау және дамыту агенттігі.
Қазіргі уақытта Бәсекелестікті қорғау және дамыту агенттігінің аумақтық органдары заңнаманы бұзу белгілерінің болуы тұрғысынан ЖЖМ өткізуді шектеу фактілерін пысықтауда.
Сондай-ақ азаматтардан ЖЖМ сатудан бас тартқан жағдайларда Агенттіктің аумақтық бөлімшелеріне, ал белгіленген бағалар асып кеткен жағдайда – Ұлттық экономика министрлігі Табиғи монополияларды реттеу комитетінің аумақтық бөлімшелеріне жүгіну ұсынылды.
БҚДА аумақтық департаменттерінің колл орталығы:
https://www.gov.kz/memleket/entities/zk/about/structure/100/1?lang=kk
ҰЭМ Табиғи монополияларды реттеу комитеті аумақтық департаменттерінің колл орталығы:
https://www.gov.kz/memleket/entities/krem/contacts?lang=kk
