УЕФА-ның тәртіптік органы “Ордабасы” футбол клубына санкциялар енгізіп, Шымкенттегі стадионды дисквалификациялауы мүмкін, деп хабарлайды kazbusiness.kz ақпарат агенттігі.
Бұл туралы “Ордабасы” – “Легия”конференциялар лигасының іріктеу матчынан кейін белгілі болды. Қазақстандық жанкүйерлер матч барысында алаңға бөтелкелер және басқа заттар лақтырды. Поляк тарапының мәліметі бойынша, тіпті “Легия” қызметкерлеріне тас тиген. Сондай-ақ, футбол клубтарының жанкүйерлері матчтан кейін кездесіп, жұдырықтасқан көрінеді.
Бұл бұзушылықтар үшін “Ордабасы” ақшалай айыппұл салынып. клуб стадионы жабылуы мүмкін.
УЕФА делегаты арена ішіндегі қауіпсіздіктің жеткіліксіздігіне және Шымкенттегі стадионның сыйымдылығынан асқан көрермендер санына назар аударды. Сондай-ақ, өкіл тарапынан басқа да ескертулер бар. Соның ішінде іс-шараны таратқан журналистер үшін интернеттің болмауы.
Еске салсақ, жанжал орын алмас бұрын Қазақстан футболдан 2034 жылы өтетін әлем чемпионатын өзінде өткізу туралы ұсыныс тастаған болатын.
