Жер ресурстарын басқару комитеті жеке тұрғын үй құрылысына жер теліміне құқық беру ережесіне өзгерістер дайындады, деп хабарлайды kazbusiness.kz тілшісі Zakon.kz порталына сілтеме жасап.
Атап айтқанда, ережеде 2 жаңа тарау көрсетілген.
Осылайша, жеке тұрғын үй құрылысы үшін арнайы есепте тұрған жеке тұлғалар арасында жер телімін кезектілік тәртібімен бөлу ережесі белгіленеді.
Бұл дегеніміз әкімшілік құрылыс алаңын бөлу үшін мемлекеттік органдармен келіссөз жүргізу керектігін айтады. Ал арнайы есепте орналасқан азаматтарға 1414 нөмірінен смс хабарландырма келеді.
Өтініш берушінің деректері мобильді деректер базасында болмаған жағдайда “электрондық үкімет” порталындағы жеке кабинетке тиісті хабарлама жіберіледі.
ЖТҚ үшін ЖТҚ АЖ-да көрсетілмеген жер учаскесіне құқық алуға мүдделі азаматтардан электрондық өтініш болған кезде жергілікті атқарушы органдар осы жер учаскесін ақпараттық жүйеде көрсету және жер учаскесін бөлу схемасын мемлекеттік органдармен және өзге де ұйымдармен келісу рәсімдерін қажеттілікке байланысты өтініш бойынша дәлелді бас тартылған күннен бастап бір ай ішінде жүргізуге міндетті.
Бұл ретте азаматқа дәлелді бас тартуды алған күннен бастап бес жұмыс күнінен кешіктірмей арнайы есепке қою қажеттілігі туралы хабардар болуға тиіс. Хабарламада міндетті түрде кері байланысты жүзеге асыру үшін хабарламашының байланыс деректері және инженерлік желілерге қосылуға арналған сауалнама парағы болуы тиіс.
Егер үш ай ішінде кері байланыс болмаса, онда әкімдік тиісті акт жасайды және адам кезектілік тізімінен шығарылады, сондай-ақ МККБ-да өтініш берушінің жоқтығы туралы тиісті белгі жүзеге асырылады.
ЖТҚ үшін жер учаскесіне құқықтарды ресімдеу үшін әкімдікке жүгінгені туралы хабарлама жіберілген өтініш берушінің деректерінің болмауы туралы тиісті акті жасалғаннан кейін кезектілік тәртібімен кезектегі келесі өтініш берушіге бос жер учаскелерінің бар екендігі туралы хабарлама жіберіледі.
Бұл ретте бұрын арнайы есепте тұрған, тиісті хабарламадан кейін жер учаскесін алу үшін әкімдікке жүгінбеген өтініш берушінің үш ай мерзім аяқталғаннан кейін бір жыл ішінде ЖТҚ үшін жер учаскесін алу құқығын сот тәртібімен қалпына келтіруге құқығы бар екені көрсетіледі.
Жер учаскесіне құқықтарды ресімдеу үшін хабарлама алған өтініш беруші жүгінгеннен кейін әкімдік қызметкері уәкілетті тұлғаның ЭЦҚ-мен куәландырылған электрондық құжаттар нысанында тиісті мемлекеттік ақпараттық жүйелерден ҚР азаматының жеке куәлігі немесе паспорты туралы мәліметтерді алады.
Сонымен қатар, мемлекеттік ақпараттық жүйелерде жоқ мәліметтерді қоспағанда, артық құжаттарды талап етуге жол берілмейді. Өтініш беруші қажетті мәліметтерді дербес қамтамасыз етеді.
